يا تري هعرف اعيش سعيدة وسط المسؤليات اللي عليا التحديات اللي بقابلها؟يا تري هعرف استرجع نفسي بعد ما ملامحها تاهت وسط زحمةالحياة؟يا تري هقدراتغير و اغير الحياة اللي المجتمع فرضها علياو اعيش الحياة اللي انا نفسي فيها؟يا تري هقدر اتحول من دور "المفعول بة" لدور"الفاعل"في حياتي؟يا تري هقدراحسن علاقتي بنفسي,يا تري هقدر احسن علاقتي باللي حواليا؟يا تري امتي هقدر أوقف الطاحونة اللي عايشة فيها و اعمل الحاجة اللي بحبها و بس حتي و انا زوجة و ام؟يا تري هقدر اسكت الدوشة اللي جواياو اعيش هادية و راضية و مبسوطة؟؟؟؟؟؟؟

اسئلة سألتها لنفسي يوم عيد ميلادي من ست سنين...... اليوم دا انا صحيت بصيت لنفسي فالمراية عشان اقولها كل سنة و انتي طيبة ,بس للأسف مقدرتش,صعبت عليا نفسي اوي ساعتها و مكنتش مصدقة الحالة الي وصلتلها.مين دي؟؟؟ بس برضة في نفس اليوم اخدت قرار مهم اوي في حياتي ,قرار انه كفاية كدة ,قرار اني لازم اوقف الطاحونة دي وادور علي نفسي اللي تاهت و ضاعت وسط احداث الحياة ,قرار بأني أتغير.........و أعيش الحياة اللي أنا عايزاها و بس مش اللي المجتمع بيجبرك عليها,الحياة اللي انا استحقها.

و من ساعتها بدأت رحلة,رحلة التغيير..... أشتغلت علي نفسي كتير,قراية,كتب,كورسات,مسيبتش باب الا ما خبطت علية عشان اتعلم و افهم ,افهم نفسي صح و اللي حواليا صح .بنيت علاقة جديدة مع نفسي و مع اللي حواليا و اكتشفت اكتشاف,انا الوحيدة صاحبة القرار ,قرار اني اعيش دور الضحية للظروف و المجتمع و الناس ولا قرار اني استعمل ظروفي دي لصالحي و تبقي هي الوقود اللي بيزقني لادام . كمان اكتشفت انه اي حد ايا كانت حياتة عاملة ازاي عنده القوة و القدرة انه يكون الشخص اللي نفسة يكونه .كل ما بمشي خطوة فالسكة,الاقي حياتي بتتغير للأحسن عشر خطوات.كل ما افهم نفسي اكتر,كل ما احب نفسي اكتر,كل ما اللي حواليا يحبوني اكتر.

كل ما اتقبل نفسي اكتر, كل ما حياتي بتهدي اكترو الدوشة و الكركبة اللي ملازماني بتختفي.

بقيت احب نفسي و احترمها و اقدرها و مشيلهاش فوق طاقتها.

بقيت اعرف اقول لأ,فالوقت اللي عايزة اقول فية لأ.اعترفت بأني بني ادمة ,ليا حقوق زي ما عليا واجبات و اتعلمت انه من حقي اطلب حقوقي.

بقيت ماسكة زمام حياتي . انا اللي برسمها بايدي مش المجتمع و الظروف و الناس.

باختصار عيدت صياغة حياتي من اول و جديد. و دا خلي حياتي تنور اكتر....خلي كل اللي حواليا يشوفوني صح بمقاسي المظبوط مش الاصغر ولا الاقل.

بعد ست سنين من الشغل علي نفسي عرفت يعني ايه معني السعادة......عرفت سر السعادة

بعد فترة من رحلتي دي ,و بعد الدروس اللي اتعلمتها فيها ,حسيت انه دوري و رسالتي دلوقتي اني انقل اللي اتعلمته دا للستات التايهه اللي كنت زيهم في يوم من الايام. و اكتشفت انه حلمي اني اكون جرس,جرس لكل ست اقولها انك عامود العيلة,انك اهم فرد فالعيلة فبالتالي انتي تستحقي الحياة اللي نفسك فيها.

و كانت اول خطوة لتحقيق حلمي,اني ألم كل اللي اتعلمته و أعمل سيستم احط فيه خلاصة تجربتي,نظام اساعد بيه الستات انهم يتغيروا و يعيشوا الحياة اللي نفسهم يعيشوها,اساعدهم يعيدوا اكتشاف نفسهم من اول و جديد ,اساعدهم انهم يوصلوا للسعادة اللي نفسهم فيها.

“CAD2” دا اسم السيستم اللي توصلتله بعد ست سنين شغل علي نفسي .يا تري يعني ايه CAD؟؟؟؟

C يعني CLARITY :

الوضوح : الرؤية الصح .أول حاجة عملتها في رحلتي للتغيير ,اني فهمت نفسي كويس,عرفت ايه هي اهم الصفات اللي فيا ,ايه هي مميزاتي,و كمان ايه هي عيوبي اللي محتاجة اني اغيرها عشان اوصل للهدف اللي انا عايزاة ,و ازاي اغيرها,مش بس كدة دا انا فهمت الناس اللي حواليا كمان و طبعا دا أثر بشكل ايجابي جدا علي علاقتي بيهم .و كمان قدرت احدد هدفي " انا عايزة اكون عاملة ازاي"و احدد الخطوات المطلوبة لتحقيق الهدف دا.و عرفت الادوات اللي تخليني اوصل لهدفي.

تاني خطوة “A” و دي معناها "acceptance and appretiation”

التقبل و التقدير:بعد ما فهمت نفسي كويس ,اتعلمت تمارين مهمة جدا .منها اتعلمت ازاي اتقبل نفسي و احتويهاو ابني معاها علاقة قوية وكمان اتعلمت ثقافة تقبل الاخر و تقبل الاختلاف .

و التمارين دي علمتني كمان ازاي اقدرنفسي و ازاي احط نفسي فالمكان اللي يليق بيها, مش الاقل.

تالت خطوة “D”و دي معناها Development

التطور:بعد ما الواحد بيفهم نفسة كويس و يعرف كم القدرات اللي عندة و بعد ما بيتقبل نفسة بعيوبها قبل مميزاتها و يقدر نفسة و يحطها فالمكان الصح كدة بقي الواحد بيبقي مستعد للتطورو دا بيكون ازاي؟؟؟؟؟؟ هنا بقي انا اتعلمت ازاي املي الاربع اوعية بتوعي.(الروح/الجسد/النفس/العقل) لأني فهمت انك عمرك ما هتعرفي تدي سعادة و حب و تفهم للي حواليكي الا لما تتملي بيهم انتي الاول.

طب يا تري ايه ال2 دي؟؟؟؟

تاني “D” هي ال “Dance”

الرقص: طب اية علاقة الرقص بالكلام دا؟؟؟؟

زي ما قلتلكم فوق اننا بنشتغل علي قلبنا وعقلنا عشان نعرف نتغير و نطور من نفسنا. بس الاول لازم نخليهم مستعدين.طب نخليهم مستعدين ازاي؟؟؟ لازم الاول ننضفهم من السموم اللي فيهم .لازم الاول نطلع كل الافكار اللي بتكلبش عقولنا و كل الاحاسيس اللي بتضايق قلوبنا .طول ما البيت بيبقي مكركب بتلاقي حياتك كلها واقفة و مش عارفة تتقدمي خطوة و اول ما البيت بيتروق ساعتها بتلاقي نفسك شايفة كل حاجة بوضوح و بتبقي نفسيتك هادية و مرتاحة.

الرقص هو اللي بيروق الكركبة جوة عقلك و قلبك . الرقص بيخليكي شايفة كل حاجة بوضوح.الرقص بيزيل التوتر و الطاقة السلبية . و يا تري كل دا لية؟ عشان الرقص علميا بيعلي هرمونات السعادة زي الاندورفين,الدوبامين و السيروتونين.العلماء اكتشفوا انه الرقص بيحسن طريقة التفكير و القدرة علي الابداع و كمان له تأثير علي السلوك و الافكار و المعتقدات.كمان اكتشفوا انه الرقص بيعلي تقديرالذات و التقبل و خاصة الرقص الشرقي .......باختصار الرقص بيجهزك و يحفزك للتغير.

طيب هوعلي كدة بقي لازم اكون شاطرة فالرقص او الفيتنس بتاعي عالي؟؟؟؟

ابدا.كل اللي عليكي تعمليه انك تغمضي عينيكي و تسيبي نفسك للموسيقي و خلي جسمك يعبرباللي هو عايزة. خلي كل حركة تخرج منك كل فكرة او مشاعر سلبية.فضي عقلك و قلبك و خليكي جاهزة للتغيير....

بس انا بتكسف يعني ازاي ارقص وسط ناس معرفهمش؟

اولا انتي مش وسط ناس متعرفيهاش,ابدا,كل اللي حاضرين معاكي زيك ,شبهك تمام,همهم زي همك و ألمهم زي ألمك, و هدفكم واحد انكم تعيشوا الحياة اللي نفسكم فيها.عشان كدة انا بوفرلكم بيئة آمنة....انك تغمضي عينيكي و تنطلقي ,تبقي حرة .مش هسمح لحد انه يحكم علي حد ,اطمني, من اهدافي في الكورس دا اني اوفرلك مكان امن عشان تقدري تتواصلي مع نفسك بمنتهي الحرية و الانطلاق.

ولولسة محرجة,مفيش مشكلة سلمي روحك للموسيقي و عيشي حياتك.

طب يا تري هل المكان آمن كفاية أننا نرقص؟

اطمني, متقلقيش .انا عايزة اقولك اني محجبة و بحب حجابي جدا و ملتزمة بيه. و انا هكون وسطكم و برقص معاكم ,عشان انا ببقي مبسوطة جدا و انا برقص معاكم. يبقي اكيد لازم أكون مطمنة من المكان.

دلوقتي انا عايزاكي تغمضي عينيكي و تتخيلي نفسك بعد ما فهمتيها صح و بعد ما حددتي الخطوات المطلوبة لتحقيق هدفك,بعد ما عرفتي تعملي علاقة جديدة مع نفسك,بعد ما تقبلتيها و قدرتيها و عملتي تمارين علي كدة , بعد ما عرفتي ازاي تملي الاربع اوعية بتوعك,بعد ما عرفتي انك تقدري تتغيري,بعد ما اكتشفتي انك الوحيدة اللي تقدري تكتبي قصة حياتك بالطريقة اللي عايزاها.يا تري شكل حياتك هيبقي عامل ازاي,شكل علاقاتك باللي حواليكي هتبقي عاملة ازاي؟؟؟

عشان كدة انا بدعو كل ست تايهه,ضايعة,نفسها تفهم نفسها صح,كل ست نفسها حياتها تتغير للاحسن ,علاقتها باللي حواليها تبقي احسن, كل ست بتدور ازاي تكون سعيدة بكل المسؤليات اللي عليها و هي زوجة و أم انها تحضر معايا الكورس دا.اللي من خلال اربع خطوات بس هتتغير حياتك 360 درجة و هتقدري تعيشي سعيدة,هتقدري تعيشي الحياة اللي نفسك فيها.

مع الكورس دا هتاخدي شنطة فيها ادوات تساعدك انك تملي الاربع اوعية بتوعك.يا تري الشنطة دي فيها ايه؟؟؟؟

الشنطة هيكون فيها ادوات بترمز للاربع اوعية :

  1. وعاء الروح: سبحة عشان تفكرك بعلاقتك بربنا عاملة ازاي لأنها اساس كل العلاقات بعد كدة.
  2. وعاء الجسد: hand and hair band  لزوم الرياضة و الرقص
  3. وعاء العقل: فاصل كتاب من الكروشية لزوم القراية
  4. وعاءالنفس: و هنا بقي جينا عند اهم اداة.....في شنطة كل واحدة هتاخد نوتة بأسمها .النوتة دي هي السر اللي هتتعرفي بية علي نفسك من اول و جديد .
  5. و علي اخر التلات ايام هتكوني معاكي خطة كاملة للتغيير

طب هل بعد التلات ايام دول خلاص....ابدا ,احنا ان شاء الله هنتقابل مرة كل شهر ,هنععمل سوا مجموعات دعم لبعض نحكي عن تجاربنا فالشهر دا ,نحكي عن مشاعرنا و احاسيسنا و نكون سند لبعض ,نسمع بعض بدون ما حد يحكم علي حد,و نحاول نساعد بعض و اكيد طبعا هنرقص عشان نروق الكركبة اللي في عقلنا و قلبنا و كمان هيكون ديما معايا حد يدينا معلومات عن اي حاجة تخص الست"جمالها,شياكتها,علاقتها بجوزها,علاقتها بولادها,تتعلم حرفة زي الكروشية ,ماندالا,تأمل,طبخ صحي...."

طب يا تري كل دا هيكون امتي؟

هنتقابل ان شاء الله تلات ايام لمدة تلات ساعات وعليهم نصاية بريك فالنص (نريح شوية و ناكل فيها مقبلات صحية جدا و لذيذة جدا)

ايام17,18,19 ابريل من 10 ل 1:00

طب يا تري المكان فين؟

The passion point

مربع 1160 شارع المشير احمد اسماعيل عمارة 6 , أمام كلية هندسة,الاكاديمية العربية للعلوم و التكنولوجيا.خلف كافية سوبريم. شيراتون هليوبليس

كل اللي عليكي انك تتصلي بالرقم دا 01020826426 (من 9:30 الصبح ل 9:30 بليل ما عدا الجمعة) عشان تلحقي الخصم المبكرو تعرفي طرق الدفع المتعددة و تختاري اللي يريحك.

السعر في الحجز المبكر: 850 و دا هيكون لحد يوم السبت 14 ابريل.

بعد يوم السبت السعر هيكون 1050.

الحقي احجزي مكانك , العدد محدود عشان نعرف نستفيد و نستمتع.

....."CAD and Dance" انتي لسة قاعدة ؟؟؟؟؟ يلا بينا ن

All Posts
×

Almost done…

We just sent you an email. Please click the link in the email to confirm your subscription!

OKSubscriptions powered by Strikingly