يا تري يعني ايه سعادة؟ يا تري ازاي اوصلها؟هل السعادة زي الحظ كدة؟يعني ناس تبقي سعيدة و ناس لأ,علي حسب الظروف اللي اتحطوا فيها؟ ولا السعادة دي قراري أنا ؟ ممكن اخلقها مهما كانت ظروفي؟طب لو هي انا ممكن أخلقها ,يا تري ازاي أخلقها و أنا ظروفي ملخبطة و كل حاجة عندي بايظة و حاسة انه حياتي بقت ماسخة و ملهاش طعم؟دا أنا حتي بقيت مش لاقية نفسي,ولا عارفاهاو محتاجة افهمها و اتعرف عليها من أول و جديد.... أنا نفسي أعرف اتعامل مع اللي حواليا صح,نفسي أسكت الدوشة اللي في دماغي و أخرج كل المشاعر السلبية المتحكمة فيا.نفسي انا اللي اتحكم فالظروف مش الظروف هي اللي تتحكم فيا.نفسي أعيش العيشة اللي مخططاها لنفسي, مش اللي المجتمع فارضها عليا.نفسي احس اني عايشة ,قلبي بيدق و يتنفس حرية.

أنا هيام سكر واحدة ضمن ناس كتير من اللي بيتقال عليهم الدنيا معكساهم و مدياهم ضهرها.بس من صغري و أنا بحب القصص اللي فيها ناس اتحدت ظروفها و قدرت تخلي الظروف دافع ليها انها تنجح و تحقق اللي هي عاوزاه.الحقيقة انه كتير من الناس المقربين ليا و عارفة التحديات اللي بقابلها بيستعجبوا ازاي انا مريت بيها و طوعتها انها تزقني لفوق مش تاخدني و تنزل بيا لتحت...و منهم اللي كان بيتنبألي اني استحالة هوصل للي أنا وصلتله دلوقتي لاني ظروفي متسمحش بنجاحي.....

بس انا كنت شايفة الظروف دي بمنظور تاني .كنت شايفة أنه الحاجات اللي بنمر بيها دي أقدار,أحنا مسيرين ليها ,ملناش يد فيها.اما بقي طريقة رد فعلنا تجاه الحاجات دي في ايدينا احنا , احنا مخيرين بيها.في ايدك انك تستسلم و في ايدك انك تحارب و تتعلم فن المعافرة,انك تقع و تعترف بوقوعك و بعدين توقف نفسك بنفسك و تكمل الرحلة.و تكتب قصة حياتك بنفسك و متستناش الظروف أو الحظ هما اللي يكتبوها.

وبعد بحث و تدوير و معافرة كتير,قدرت أعرف يعني ايه سعادة, و طول ما أنا ماشية مشواري كنت عاملة زي اللي بيجمع قطع بازل عشان يكون الصورة كاملة,صورة أسرار السعادة .

و بعد سنين كتير من التنقيب , مذاكرة و كورسات و قراية حبة حلوين,حطيت اللي اتعلمته كله في سيستم .و بالسيستم دا قررت اني اساعد كل ست انها تعيش الحياة اللي نفسها فيها,اساعد كل ست انها تعيش بسعادة مهما كانت التحديات و الظروف اللي بتقابلها......السيستم دا بيتكون من أربع خطوات....أربع قطع بازل لو حطيت كل واحدة في مكانها الصح هتتكون عندك الصورة الكاملة لمعني السعادة و هتقدري توصلي لاسرارها.

عشان كدة أنا بدعو كل ست حاسة انها تايهه,حاسة أنها ضحية الظروف,كل ست نفسها تعرف نفسها من أول و جديد,كل ست قررت انها تنفض التراب اللي عليها بفعل الزمن و تعيش الحياة اللي نفسها فيها رغم ظروفها و مسؤلياتها,كل ست نفسها تتواصل مع نفسها صح و مع اللي حواليها صح.كل ست نفسها تعيش سعيدة , انها تنورني فالورك شوب دا

"The Happy 30s puzzle"

الورك شوب دا هنتعلم اييه :

-هنتعلم ازاي نتعرف علي نفسنا من اول و جديد

-ازاي اتقبل نفسي و احتويها و اتواصل معاها

-ازاي اطور من نفسي عشان اوصل للعيشة اللي نفسي فيها

-و ازاي في اقل من خمس دقايق بس هعرف اتخلص من المشاعر السلبية و الهموم اللي محاوطاني و اروق دماغي عشان اعرف افكر صح

_و كمان هنتعلم كام تمرين للسعادة

كل اللي مطلوب منك انك تيجي يوميها بلبس مريح و يا ريت يكون رياضي لأننا هنلعب سوا لحد ما نكون البازل......بازل السعادة

يا تري هنحل البازل فين

شارع جهاز المدينة -التجمع الخامس.اما م بنزينة التعاون120

سنتر art of life.

طب امتي؟

معادنا ان شاء الله الاتنين 19/11 من 10ل 1 صباحا

للحجز المبكر :250 جنية و دا لحد15/11 الخميس بعد كدة هتبقي ب 350 

كل اللي عليكي انك تكلمي الرقم دا 01066732137 عشان تعرفي طريقة الدفع المناسبة ليكي

يلا بينا نلعب و نتعلم اسرار السعادة.

All Posts
×

Almost done…

We just sent you an email. Please click the link in the email to confirm your subscription!

OKSubscriptions powered by Strikingly